Back شيفرة دا فينشي (فيلم) Arabic شيفره دا فينشى ARZ Da Vinçi şifrəsi (film) Azerbaijani Da Vinčė kuods BAT-SMG Шифърът на Леонардо (филм) Bulgarian দ্য দা ভিঞ্চি কোড (চলচ্চিত্র) Bengali/Bangla El codi Da Vinci (pel·lícula) Catalan Šifra mistra Leonarda (film) Czech The Da Vinci Code (ffilm) Welsh Da Vinci Mysteriet (film) Danish
- Iste articlo ye sobre una cinta de cine d'intriga de l'anyo 2006; ta atros usos, se veiga The Da Vinci Code (desambigación).
.svg){kind=small}
The Da Vinci Code (títol orichinal en anglés, en aragonés O codigo Da Vinci, enguerada en Aragón con o suyo títol traduciu enta lo castellano como El código Da Vinci) ye una cinta de cine d'intriga de l'anyo 2006 coproducida por o cine estausunidense, lo cine francés, o cine britanico y lo cine maltés dirichida por Ron Howard seguntes un guión adaptau por Akiva Goldsman (basau en a novela The Da Vinci Code, publicada por Dan Brown en 2003), con una dirección de fotografía de Salvatore Totino, una banda sonora orichinal de Hans Zimmer, una producción cinematografica al cudiau de Brian Grazer, John Calley y Ron Howard ta las productoras Columbia Pictures, Imagine Entertainment y Skylark Productions (amás d'o Gubierno de Malta) y un elenco d'o cual en fan parte, en os suyos papels principals, os actors Tom Hanks, Audrey Tautou, Ian McKellen, Alfred Molina, Jürgen Prochnow, Jean Reno, Paul Bettany, Hugh Mitchell, Étienne Chicot, Jean-Yves Berteloot, Jean-Pierre Marielle, Charlotte Graham, Seth Gabel, Marie-Françoise Audollent y Francesco Carnelutti.
Robert Langdon ye un profesor en a Universidat Americana de París experto en simbolochía relichiosa a qui la Policía clama en haber trobau un hombre asasinau en o Museu d'o Louvre de París a qui dimpués d'o suyo asasinato heban colocau en a posición de l'hombre de Vitruvio. A policía quiere que Langdon ubra un obchecto que ye protechiu por una clau, pero alavez Sophie Neveu, una criptografa d'a Policía francesa que amás ye nieta de l'asasinau, li fica una nota en a suya chaqueta advertindo-le de que la Policía li ha colocau un dispositivo ta seguir o bayo d'os suyos movimientos porque lo consideran autor de l'asasinato dimpués d'haber trobau en a escena d'o crimen una linia de texto chunto a lo cadavre. Toz dos prencipian una investigación que los leva a traviés d'Europa a la busca d'o que Langdon creye que ye lo Santo Gredal, estando perseguius por a Policía influyenciada por a Ilesia Catolica y estando perseguius tamién por un grupo vinclau a l'Opus Dei. A cinta s'ambienta en a suya epoca actual (2006) en París, en Londres y en Midlothian en Escocia, y las suyas escenas se filmoron en Midlothian y Edimburgo (Escocia), Buckinghamshire, Cambridgeshire, Hampshire, Kent, Leicestershire, Lincolnshire, Surrey, Sussex de l'Ueste y Londres (Anglaterra), Val de l'Oise y París (Francia) y en Malta.[2]
Se tracta d'una cinta que ha recibiu cuantas nominacions a cualques premios, encara que garra d'éls fa parte d'os premios cinematograficos mas destacaus u conoixius.